Bas ab saari yaadein sametni hain...
Woh saare pal, kuch haste-muskuraate, kuch kaate na kat jaate...
Woh saare pal lekar ab door chale jana hai...
Unhi palon ko yaad karke har pal muskurana hai...
Agar udaas ho to bhi koi baat nahi...
In yaadon ke saath hi chalte chale jaana hai...
Kabhi dosti, kabhi anban…
Kabhi pyar to kabhi takraar…
Woh doston ke saath mehfilein jamana…
Kabhi khud samaz jana, kabhi doosron ko samzana…
Lagta tha humein, ki yahi hai hamari duniya…
Yahin hain baanti woh chhoti chhoti khushiyan…
Inhi khushiyon se ab apna daaman bhar lena hai…
Muskurahat ke peeche apne aansuon ko chhupaana hai…
Kabhi gapshap, kabhi khamoshi…
Woh khel-kood, woh madhoshi…
Woh ghanton gossip karna,
Woh har din ek naya plan banana…
Na jaane kitne khwab dekhe,
Na jaane kitne toot gaye…
Unhi khwabon ko poora karne ki ummeed lekar
Bhavishya ki taraf badhate jana hai…
Ab kya main aur kahoon, kya main aur sunoon…
Jo gile-shikve hain woh saare door karne hain…
Jo rooth gaye hain dost unhein manaana hai…
Aakhari baar sab doston ka haath thaamna hai…
Badi mushkil se aansu rok kar ape mann ko samazana hai…
Saari duaein saath lekar ‘alvidaa’ kehna hai…
Bass ab bahari duniya mein jana hai…
Nayi zindagi ki taraf ek aur kadam badhaana hai…
Mere doston, ab peechhe nahi mudna hai…
Hamesha aage hi chalte jaana hai…
Chalte jaana hai…
Bass chalte hi jaana hai…
hey its really nice...u write exactly d way u r thinking now..
ReplyDelete